Денес на предлог на советничката група на ВМРО – ДПМНЕ, Советот на Општина Бутел едногласно изгласа и даде целосна поддршка за поништување на 11 градежни маркици за згради од ДУП ССИ 06.07 и ДУП С16. За ДУП С16 кој е на сила ќе се отпочне постапка за измена на планот со цел бришење на 7 маркици за згради. А за ДУП ССИ 06.07 кој е во постапка ќе биде ревидиран и ќе се избришат сите згради кој што се уцртани во предлог планот. Воедно сите политички партии кои се дел од Советот ја прифатија иницијативата на граѓаните за промена на трасата на бул. Боца Иванова.
Ова го изјави градоначалникот на аопштина Бутел, Дарко Костовски, кој додаде:
-Едногласно Општина Бутел и кажа НЕ на Данела Арсовска! Ова се прави за нашата иднина, се со цел да се зачува мирниот, спокоен живот кој што го сакаат и бараат граѓаните на општина Бутел. Општина Бутел треба да дише а не да се дави во бетон и да се гради на секој слободен простор. Повеќе зеленило, повеќе простор за спорт и рекреација беа дел од моите ветувања во мојата предизборна кампања, изјави Костовски.
Според него дополнително, на денешната седница на Советот на Општина Бутел се изгласа и иницијатива за поништување на ДУП С15.10 и С15.13 кој се наоѓа покрај булеварот Христијан Тодоровски Карпош. Ова е можност за Арсовска да го реализира ветувањето кон граѓаните на Хо Ши Мин за изградба на мега парк кој е од голема потреба, изјавил Костовски.
На ова реагираше и Град Скопје. Во нивното соопштение се вели:
-Ја поздравуваме одлуката на советниците во Советот на општина Бутел да го послушаат апелот на град Скопје и да ги избришат 7 маркици со кои се предвидуваше изградба на згради, а кој ДУП го гласал токму Дарко Костовски како советник во Советот на општина Бутел во 2015. година. Истите беа во директна спротивност на начелото за хумано живеење, како и со вториот план со кој се предвидуваа 26 метри високи згради. Овие планови, кои денес се укинаа со одлука на Советот на општина Бутел, апелираме да бидат пренаменети во простор за зеленило, паркови и игралишта. Сепак, ова не ја менува суштината на проблемот во врска со бул.Боца Иванова. Трасата на овој булевар е утврдена со ГУП кој е повисок акт на ДУП и истиот не може да се промени со иницијатива на општина Бутел, велат од Град Скопје.
