Кучињата се најдобрите пријатели на човекот, тоа е факт, кој не смее да се заборави.
А дека тоа е така покажува и една фотографија, која се шири на Твитер, а на која се покажува како, оние кои знаат да почитуваат, им се заблагодаруваат на нашите миленици.
По страшните и разорни земјотреси во Турција многу екипи од различни држави заминаа да помогнат со кучиња трагачи, кои пронаоѓаа преживеани под урнатините. Кога мисијата заврши екипите се вратија дома со кучињата.
Но, во знак на благодарност за несебичната помош авиокомпанијата „Turkish Airlines“ не дозволи кучињата да се возат кон дома кај багажот, туку достоинствено ги испрати дома.
-Благодарност. Турција не им дозволи на кучињата кои учествуваа во потрагата по преживеани да се вратат во земјите од кои дошле, возејќи се во багажниот простор. Стасаа дома на седиште во прва класа, стои во објавата на Твитер.
Македонија исто така испрати тим со кучиња. Нашите Кони и Пикси исто така помагаа во пронаоѓање на преживеани под урнатините во Турција.
