Глорија Серж (85) во понеделникот беше нападната од алигатор додека го шетала своето куче во близина на езерото Фервејс во Форт Пирс, Флорида, а на медиумите им стана достапно видео кое го прикажува нападот.
Застрашувачката снимка од нападот на крокодил врз 85-годишна жена покажува како ѕверот тивко ги демне неа и нејзиното куче пред да го темпира неговиот напад.
Во еден момент, животното скока од водата и се нафрли кон кучето на Глорија. Таа се обидела да го грабне кучето од вилиците на алигаторот, но потоа алигаторот ја зграпчил и ја одвлекол во езерото.
Нападот се случил пред очите на соседот кој избезумено повикал 911 додека се обидувал да помогне.
Кучето го преживеа нападот, но Глорија не. Нејзиното тело подоцна било извлечено од езерото. Алигаторот подоцна бил фатен и евтаназиран.
Локалните жители изјавија дека алигаторот имал свое живеалиште во соседството и се викал Хенри.
Властите на Флорида ги предупредија жителите да не ги шетаат своите миленици во близина на езерата во областа.
Серж е третата жртва на алигатор во Флорида од јули минатата година.
