Властите и жителите на еден јапонски крајбрежен град останаа збунети откако чудна голема железна топка се дотркала на локална плажа.
„Сомнителната“ топка ја пријавил локален жител во Хамамацу, јужен крајбрежен град на околу 155 милји од Токио, кој повикал полиција непосредно пред 9 часот наутро, велејќи дека „на плажата е виден голем тркалезен предмет“, објави Asahi News.
Се работи за топка со дијаметар од околу 1,5 метри и се верува дека е направен од железо бидејќи има облога од ‘рѓа.
Со рендген е откриено дека објектот е шуплив. Експертите за експлозиви облечени во заштитна опрема продолжуваат понатаму да истражуваат додека мистеријата се продлабочува.
Чудната глетка предизвика наплив на ТВ внимание и избезумени шпекулации на социјалните мрежи, кои најчесто се сведуваат на тоа дека се работи за соборен кинески шпионски балон од страна на САД, веројатно проследен со повеќе неидентификувани предмети.
