Блоковите згради во разурнатиот турски град Караманмараш кои останаа недопрени со денови ја заинтригираа светската јавност.
Градежниот изведувач Мехмет Акин Онџул на дело ја покажа вистинитоста на турската изрека „зградата убива, а не земјотресот“ и објасни како неговите згради преживеале – затоа што правилно ги изградил.
Мехмет Акин Онџул студирал математика на турски универзитет. Роден е 1982 година, а со семејството се занимава со градежништво од 2005 година.
Објаснувајќи дека добил многу знаци на благодарност, честитки и молитвени повици, Ончул резимира: „Прво, нашата болка е голема, нашето сочувство до нашата нација. Се трудиме нашата работа да ја работиме во согласност со нашите проекти и законски прописи. Секогаш сме на работа со нашиот технички персонал.
Ние придаваме важност на инспекциите и контролите во секоја фаза од нашата изградба. Како компанија ги продолжуваме нашите активности во Караманмараш. За среќа, немавме тешко оштетена зграда во земјотресот“, пренесува Хуриет.
Како што истакнува, неговиот пример е позитивен во морето од негативни, но ги тера луѓето да се прашуваат зошто се урнале тие моќни згради.
„Ние градиме по закон. Дополнително, ако зградата е на раседна линија, таа дефинитивно ќе биде оштетена без разлика колку е силна. На пример, во земјотресот во Сан Франциско во 1989 година, полицаец на мотор се возел по широк асфалтиран пат, кој се расцепил и полицијата налетала на него.
Не дај Боже, ако се случи таква ситуација со зграда, ништо не можете да направите. Не направивме ништо дополнително, само го направивме она што требаше да се направи. Работиме заедно со градежни инженери и архитекти. Ова е тимска работа“, нагласи тој.
Да потсетиме, околу 43.000 луѓе загинаа во серијата земјотреси во Турција и Сирија. По земјотресот започна акција за апсење на инвеститори кои граделе диво. Досега се уапсени десетици луѓе, пренесува Нова.рс.
