Поранешна сопственичка на погребна куќа во Колорадо е осудена на 20 години затвор, откако беше обвинета за секција на стотици мртви и продажба на делови од тела, а нејзината мајка е осудена на 15 години.
Меган Хес се изјасни за виновна за измама во јули. Таа управувала со погребна куќа и служба за донирање органи од истата зграда во Монтроус, Колорадо.
Нејзината мајка, Ширли Кох, исто така се изјасни за виновна за измама и беше осудена на 15 години затвор. Таа имала задача да ги сецира телата, покажуваат судските записи, пишува Гардијан.
„Хес и Кох понекогаш го користеа погребниот дом за да украдат тела и делови од тела користејќи лажни и фалсификувани донаторски обрасци. Нивното однесување предизвика огромна емоционална болка кај семејствата и најблиските“, рече обвинителот Тим Неф во судската пријава.
Федералниот случај беше поттикнат од истражувачката сторија на Ројтерс помеѓу 2016 и 2018 година за продажба на делови од телото во САД, практично нерегулирана индустрија. Поранешни работници изјавија за Ројтерс дека Хес и Кох го извршиле неовластеното распарчување, а неколку недели по објавувањето на приказната од 2018 година, ФБИ изврши рација во нивните канцеларии.
„Ова е најемотивниот случај што сум го видела во судница.
Судијата нареди веднаш да бидат испратени во затвор.
Адвокатот на Хес рече дека таа е неправедно клеветена како „вештерка“ и „чудовиште“ и наместо тоа е „скршено човечко суштество“ чие однесување може да се припише на трауматска повреда на мозокот на 18-годишна возраст. Хесова одби да разговара со судијата.
Кохова рече дека и е жал за сè и презема одговорност за своите постапки.
Во САД е нелегално да се продаваат органи како што се срца, бубрези и тетиви за трансплантација, иако тие можат да се донираат. Но, продажбата на делови од телото како што се главите, рацете и рбетот, што го направи Хес, за употреба во истражување или образование не е регулирано со федералниот закон.
Хес ги измамила роднините на починатите лажејќи за кремирање, расчленувајќи ги телата и ги продавала без дозвола. Компаниите за обука на хирурзи и други фирми кои купиле раце, нозе, глави и торзо од Хес не знаеле дека биле добиени со измама, велат обвинителите.
Хес им наплаќала на семејствата до 1.000 долари за кремирање што никогаш не се случило, рекоа обвинителите, и понудија бесплатно кремирањае на другите во замена за донација на телото.
Обвинителите рекоа дека таа излажала повеќе од 200 семејства, кои добиле кремирана пепел од канти измешани со остатоци од разни трупови.
Дваесет и шест жртви го опишале својот ужас кога откриле што се случило со нивните најблиски.
– Нашата мила мајка, ја распарчија и и ги продадоа рамениците, рацете и колената – изјави Ерин Смит, една од жртвите во постапката.
