Брус Ли умрел, бидејќи пиел премногу вода, потврдува најновата медицинска студија
ММС
Банер за Супер7

Објавено на: 11/27/22 1:35 PM

Брус Ли умрел, бидејќи пиел премногу вода, потврдува најновата медицинска студија

Легендарниот актер почина на 32-годишна возраст по церебрален едем во јули 1973 година.

Во тоа време, се сметаше дека смртта на Ли е реакција на лекот за смирување мепробамат, кој бил дел од лекот против болки наречен Equagesic што Брус Ли го земал пред неговата смрт. Меѓутоа, штотуку е објавена медицинска студија која го тврди спротивното.
Во новиот труд објавен од научниците во Clinical Kidney Journal, се сугерира дека едемот на Ли е предизвикан од – хипонатремија.
„Со други зборови, тврдиме дека неспособноста на бубрегот да излачува вишок вода го убила Брус Ли“, напишале тие.
Научниците укажаа на неколку фактори, вклучувајќи ја и исхраната на Ли во тоа време, која вклучуваше многу сокови и протеински пијалоци, како и неговата употреба на марихуана што предизвикува жед.

„Накратко, Ли имаше повеќе фактори на ризик кои го предиспонираа за хипонатремија како резултат на нарушување на механизмите на хомеостаза на вода кои го регулираат внесот и излачувањето на вода. Претпоставуваме дека Брус Ли починал од специфична форма на бубрежна дисфункција: неможноста да се излачува доволно вода за одржување на хомеостазата на водата Иронично, Ли го направи познат цитатот „Биди како вода, пријателе“, но се чини дека вишокот вода на крајот го уби“, се вели во научниот труд.

Извор: b92.net

Фото: Принтскрин видео Јутјуб


Доколку преземете содржина од оваа страница, во целост сте се согласиле со Услови за преземање.

Банер за Супер7