„Видовме толку многу жртви и уништувања, прекинот на струја не е најлошото што може да ни се случи“, рече Зеленска во интервју за Би-Би-Си
ММС
Банер за Супер7

Објавено на: 11/25/22 9:23 AM

„Видовме толку многу жртви и уништувања, прекинот на струја не е најлошото што може да ни се случи“, рече Зеленска во интервју за Би-Би-Си

Првата дама на Украина Олена Зеленска во новото интервју за Би-Би-Си изјави дека Украина ќе ја издржи претстојната зима и покрај студот и прекинот на струја.
Зеленска рече дека Украина ќе продолжи да се бори во, како што вели, „светогледна војна, бидејќи – без победа не може да има мир“.
Во големото интервју за Би-Би-Си, Зеленска рече дека „Украинците се подготвени да го трпат ова“.
„Имавме толку многу страшни предизвици, видовме толку многу жртви, толку многу уништувања, што прекинот на електричната енергија не е најлошото нешто што може да ни се случи“, рече Зеленска, потсетувајќи се на неодамнешното истражување во кое 90 отсто од Украинците рекоа дека се подготвени да живеат без енергија од две до три години ако ја видат перспективата за влез во Европската унија.

„Знаете, лесно е да се трча маратон кога се знае колку километри има“, вели Зеленска.

Меѓутоа, во овој случај, Украинците не знаат колку треба да истрчаат.

„Понекогаш може да биде многу тешко, но има некои нови емоции кои ни помагаат да издржиме“, вели таа.

„Сите Украинци ќе станат посилни поради оваа војна“, предвидува првата дама на Украина, пишува Би-би-си.

Во интервјуто кое трае речиси еден час, Зеленска не сакаше да каже кога последен пат семејството Зеленска вечерало заедно.

„Тоа се случува многу ретко овие денови, многу ретко“, вели таа.

Живеам одвоено со моите деца, а мојот сопруг живее на работа“, објаснува Зеленска.

„Најмногу ни недостигаат едноставните работи – да седиме, да не гледаме во часовникот, колку сакаме.

Зеленска е претпазлива кога одговара на прашања за крајот на војната.

„На сите им е јасно дека нема мир без победа. Тоа би бил лажен мир и не би траел долго“, вели таа, а потоа одговара на прашањето што значи победата за неа.

„Враќање во нормален живот… Понекогаш се чини дека сме ставиле сè на пауза“, без двоумење одговорила првата дама на Украина.

Ова би значело и поинаков живот со нејзиниот сопруг, продолжува новинарката на Би-Би-Си.

„Ние не сме само сопружници. Можам слободно да кажам дека сме најдобри пријатели“, додава Зеленска.

Taa e првата странска дама на која и е дадена привилегијата да се обрати до законодавниот дом на САД, a никогаш не сакала јавно говорење.

„Бев исплашена“, признава таа.

„Но, ја разбрав оваа мисија, беше невозможно да се пропушти можноста“, накратко додаде таа.

Таа, како и секогаш, го истакна длабокото страдање на украинските деца, осудувајќи ги како што ги нарече руските „Игри на глад“.

Таа потоа отиде многу подалеку, барајќи од американскиот Конгрес, среде Конгресот, да испрати оружје во Украина. Дали првата дама без официјално овластување ја преминала границата?, прашува репортерот на Би-Би-Си.

„Тоа не беше политика. Тоа морав да go кажам“, вели Зеленска.

„Барав оружје, не за да нападнам, туку да спречам нашите деца да бидат убиени во нивните домови“, додава таа.

„Не можеме да ги изневериме оние што се на окупираните територии“
Олена Зеленска е убедена дека украинското општество се менувало уште пред почетокот на војната и дека таа промена сега се забрзува.

„Кујната, децата, црквата – ова повеќе не е за нашето општество. Жената што го преживеала ова нема да направи чекор назад“.

Нејзината новооснована Фондација Олена Зеленска се справува со најтешките предизвици, вклучително и менталното здравје и семејното насилство. Колку што војната може да ги стврдне поединците, може и да ги распарчи.

Одразувајќи го сè посилниот јавен став додека наводите и доказите за руските воени злосторства продолжуваат да се појавуваат, додека цели градови се срамнети со земја, таа инсистира: „Не можеме да ги изневериме оние кои се сега на окупираните територии. Не можеме да ги оставиме луѓето да чекаат за ослободување“.

Таа побрза да додаде: „Ова не е политички став на претседателот или на владата. Ова е став на Украинците“.

Новинарката на Би-Би-Си вели дека нејзиното прво прашање до Зеленска во ова интервју било „Како си“ и дека првата дама на Украина одговорила дека нивниот одговор е за сите Украинци:

„Се држиме. Но, колку долго? Ова е прашање на кое никој не може да одговори“, заклучува новинарот на Би-Би-Си.


Доколку преземете содржина од оваа страница, во целост сте се согласиле со Услови за преземање.

Банер за Супер7