(Видео) „Некои од вас ќе ме сакаат, а некои не“: Рокерот Валдера ја промовираше песната „Уживам“
ММС
Банер за Супер7

Објавено на: 11/8/22 2:38 PM

(Видео) „Некои од вас ќе ме сакаат, а некои не“: Рокерот Валдера ја промовираше песната „Уживам“

„Јас сум Валдера  и јас сум тука на македонската музичка сцена за да променам некои работи, за стандардот пак да биде на повисоко ниво каде што публиката ќе бара добри песни и хитови, а од пејачите ќе бара да пеат во живо како што доликува да се пее, наместо сите да се кријат позади студиски трикови. Јас пишувам мои песни од срце, и од срце ги пеам. Некои од вас ќе ме сакаат, а некои нема. Тоа е сосема во ред бидејќи тоа ми кажува дека сум се презентирал искрено пред сите. За тоа е всушност и мојата песна “Уживам”. Можеби тоа е порака да ве потсети дека животот треба да се живее на свој начин и да престанеме да се грижиме за негативното мислење и зборење на другие луѓе за нас“ – вели новиот рокер на македонската музичка сцена – Валдера!

Валдера пред неколку дена ја промовираше својата деби-песна „Уживам“, зад која тој се потпишува како комплетен автор. На прашањето кое е неговото вистинско име и презиме, тој не сака да открие.

„Јас сум Валдера, низ музиката која ја создавам ќе дознаете сè за мене“.

Инаку за неговата „Уживам“, Вадлера сними и интересен видеоспот.

„Наместо да кажувам со зборови кој сум и што сум, се обидов преку оваа песна и видеоспот да се претставам на публиката. Доволно е да се ислушаат и да се изгледаат тие 3 и нешто минути и ќе имате претстава каков човек сум јас“ – вели младиот музичар.

Ова е само почеток за него, бидејќи во неговата фиока има десетици песни кои чекаат да ја видат светлината на денот, а до тогаш, уживајте во „УЖИВАМ“:

 


Доколку преземете содржина од оваа страница, во целост сте се согласиле со Услови за преземање.

Банер за Супер7