Вечерва прегазено девојче (10) во Тетово, со тешки повреди пренесено во болница
ММС
Банер за Супер7

Објавено на: 11/5/22 10:02 PM

Вечерва прегазено девојче (10) во Тетово, со тешки повреди пренесено во болница

Десетгодишно девојче пешак било тешко повредено вечерва, околу 19 часот во Тетово, откако во него удрил автомобил управуван од 27 – годишна жена.

Повреденото девојче со возило на итната медицинска помош е однесено во тетовската болница.

-Околу 18 часот и 50 минути, на крстосницата на улиците „Илинденска“ и „Видоја Смилевски-Бато“ во Тетово, патничко моторно возило „Фиат пунто“ со српски национални регистарски ознаки, управувано од 27- годишната српска државјанка М.Н. со времен престој во Тетовско, удрило во малолетничка (пешак) од Тетово. Во несреќата, девојчето се здобило со тешки телесни повреди констатирани во тетовската Клиничка болница, информираше Марјан Јосифоски, портпартол на СВР Тетово.

На местото на несреќата увид извршила екипа од СВР Тетово.

МИА

 


Доколку преземете содржина од оваа страница, во целост сте се согласиле со Услови за преземање.

Банер за Супер7