Маск прави големи промени: Ова нема да им се допадне на корисници на Твитер
ММС
Банер за Супер7

Објавено на: 10/31/22 9:43 AM

Маск прави големи промени: Ова нема да им се допадне на корисници на Твитер

Со Илон Маск на чело, Твитер планира да ја зголеми цената на Blue претплатата.

Според странските медиуми, Маск планира да ја зголеми претплатата на Twitter Blue од сегашните пет долари на 20 долари месечно, како и да ја направи претплатата задолжителна за проверените корисници.

Доколку се имплементира овој план, привилигираните корисници (славни личности, политичари, новинари и други) ќе треба да се пријават на услугата за претплата во рок од 90 дена или ќе ја изгубат сината ознака за проверка што покажува дека корисникот е верификуван.

Исто така, вработените кои работат на проектот наводно биле известени дека ќе добијат отказ доколку не ги спроведат споменатите измени до 7 ноември.

Твитер лани во САД ја лансираше услугата за претплата Blue, со цена од три долари месечно, а претплатата во јули беше зголемена на пет долари. Претплатниците добиваат функции како топ вести, сопствени икони и можност за уредување твитови.

Заедницата на корисници на Твитер веќе го кажа своето мислење за овој потенцијален потег на Маск и социјалната мрежа. Многу од нив не се подготвени да платат 20 долари за да го задржат својот статус.

Истовремено, корисниците истакнуваат дека новиот систем може да ги зголеми проблемите на Твитер со ботови и спам, што самиот Маск особено ги мрази.

извор-b92.net


Доколку преземете содржина од оваа страница, во целост сте се согласиле со Услови за преземање.

Банер за Супер7