ММС
Банер за Супер7

Објавено на: 09/22/22 7:00 PM

Име со мрачно наследство – Ниту еден Чарлс не се покажал добро во историјата, како ќе се покаже овој?

По смртта на кралицата Елизабета, Велика Британија доби нов крал – Чарлс Трети.

Фактот што новиот монарх не го смени името изненади многумина. Не само затоа што тоа е често случај кога станува збор за монархијата, туку и затоа што во историјата на британската круна името Чарлс се покажа како – баксуз!
Чарлс Трети, полното е име Чарлс Филип Артур Џорџ, автоматски стана нов крал на Британија по смртта на неговата мајка. Иако ова не беше законски, многу историчари очекуваа дека тој ќе сака да го смени своето име и наместо Чарлс да земе едно од неговите други официјални имиња – Филип, Артур или Џорџ.
Претпоставката беше дека принцот ќе одлучи да го избере името Џорџ, да го почести својот дедо и потоа да биде познат како кралот Џорџ Седми. Сепак, тоа не се случи и најстариот син на кралицата Елизабета ќе биде крунисан како Чарлс Трети.
Зошто е ова необично? Бидејќи Чарлс Први и Чарлс Втори биле толку лоши владетели што со векови ниту еден монарх на островот не го земал нивното име!
„Единаесет години тиранија“
Чарлс Први Стјуарт владеел во 17 век. Тој сакал апсолутна моќ и способност да води неограничени војни, па владеел единаесет години без парламентарна контрола, наметнувајќи огромни даноци на населението за да ги финансира неговите воени походи. Тој беше толку „омилен“ што тие години во британската историја се познати како „единаесет години тиранија“.

Тој е познат и по тоа што е единствениот британски монарх кој бил погубен од сопствениот народ. Тоа се случило во 1649 година, а потоа монархијата била накратко укината во Британија и била основана република.

Веселиот монарх
Монархијата во Англија била обновена во 1660 година, а потоа престолот го зазел Чарлс Втори  Стјуарт, синот на Чарлс Први, кој за време на неговиот живот бил наречен Веселиот монарх, бидејќи бил познат по своите љубовници и како голем хедонист.

Не бил многу заинтересиран за управување со државата, па зад себе не оставил службено потомство, иако имал бројни вонбрачни деца со љубовниците.

Него го наследил неговиот брат Џејмс Втори.

Извор: Б92.нет


Доколку преземете содржина од оваа страница, во целост сте се согласиле со Услови за преземање.

Банер за Супер7