ММС
Банер за Супер7

Објавено на: 08/12/22 11:22 AM

„Жена од султана“ гостинка на меморијалниот турнир „Љубомир Рајчевски-Рајче“

На 14 август ќе се одржи 16. меморијален фудбалски турнир „Љубомир Рајчевски – Рајче“, на кој ќе настапи српската пејачка Тијана Милентијевиќ, која кај нас е позната по големиот хит  „Жена од султана“.

-На 14ти, во недела е закажана завршната вечер на која ќе се одигра големото финале, ќе бидат прогласени победниците и доделени наградите на шестнаесетиот по ред Меморијален турнир во мал фудбал „Љубомир Рајчевски – Рајче“ кој се одржува од 15.07 – 14.08 – порачуваат организаторите на фудбалскиот турнир, спортска манифестација која ја негува традицијата и преку спортот ги зближува и обединува граѓаните.

Општината Чучер Сандево, покажува голем интерес за почитување и помагање востановената традиција да се одржи и продолжи. Во село Глуво се одржува турнирот во чест на истоимениот долгогодишен фудбалер на ФК Вардар, легендарниот Љубомир Рајчевски – Рајче, чие потекло беше токму оттаму.

Настанот е под генерално покровителство токму на општината, како и од граѓаните на село Глуво. Организациониот одбор на турнирот ги охрабрува сите љубители на фудбалот да бидат дел од финалето на овој традиоционален спортски настан, а најдобрите и публиката ги очекува големи изненадувања и вредни награди.

Покрај спортскиот, оваа манифестација традиционално има и културно-естраден карактар, секој турнир завршува со естрадно-музички настан, односно концертен настап на познати естрадни ѕвезди од регионот.

Годинава по завршувањето на спортскиот дел на финалната вечер, организаторот како специјална гостинка најавува уште една српска и регионална фолк ѕвезда, атактивната пејачка Тијана Милентијевиќ попозната како „Жена од султана“, која ќе ја забавува публиката со двочасовен концертен настап.


Доколку преземете содржина од оваа страница, во целост сте се согласиле со Услови за преземање.

Банер за Супер7