ММС
Банер за Супер7

Објавено на: 08/5/22 9:22 AM

(Видео) Работеле како сезонци, спиеле по ќумези, па посадиле овошје што никој не го сакал и сега пливаат во пари

Ивана и Матија Паниќ се најголемите производители на дуња во Хрватска.

Извезуваат главно во Словенија и Италија, а поради проблеми со наплатата, на хрватскиот пазар останува само мал дел, за преработка во овошни ракии. Чекаа пет години за првиот род, но очигледно вредеше. Планираат да засадат дуња на уште два хектари земја. Покрај ова овошје, Паниќ одгледуваат и лешници на нешто повеќе од три хектари земја, а имаат и сливи, како и соја – на два хектари.

Ивана завршила средно економско училиште, а Матија по професија е машиновозач, кој никогаш не возел воз, туку поставувал керамика. Заработката не ја трошеле на забави, туку на купување славонски ниви, надевајќи се дека еден ден ќе имаат нешто свое, пишува Вечерњи лист.
Така преку заедничко вложување отворија семејна фарма во 2014 година. Тогаш тие се уште излегуваа, а подоцна љубовта ја крунисаа со брак.

Почнаа со застарена механизација и малку земја – недоволно за сериозна земјоделска приказна, па мораа да продолжат со сезонска работа.

„Почнавме многу работи, чувавме овци, црни славонски свињи… Сакавме прво да одгледуваме аронија, но послушавме пријател кој има расадник, малку учевме и решивме да засадиме нешто што другите го немаат. Дуњи, се разбира, луѓето не гледаа чудно, прашуваа што ќе правиме, а баба искоментира: Боже, полудеа ли! Мислевме дека ќе застанеме на 300 садници, но потоа засадивме уште илјада , па две, три илјади“, велат Ивана (30) и Матија (31).

Интересно е што сега со четири хектари под дуњи и принос кој кога овоштарникот ќе биде во целосна реколта ќе биде од 50 до 60 тони по хектар. Главно ја вршат целата работа сами, но кога ќе дојде време за жетва – се мачат со наоѓање работна сила.


Доколку преземете содржина од оваа страница, во целост сте се согласиле со Услови за преземање.

Банер за Супер7