ММС
Банер за Супер7

Објавено на: 07/3/22 8:15 PM

Од недолив господин до психопат – нарцисоидно пореметување на личноста

Речиси секојдневно сме опкружени со личности со нарцисоидно пореметување на личноста, или кажано со обичен јазик-нарциси.

Нарцисоидните личности живеат помеѓу нас. Тоа може да биде кој било, пријател, колега, момче, сопруг. Ова  пореметување е почесто кај мажите отколку кај жените.

  Што е нарцисоидно пореметување на личноста?

Дали знаете што е нарцисоидното пореметување на личноста? Во дијагностичката класификација на менталнипореметувања, нарцисоидното пореметување на личноста не е прикажано како посебна дијагностичка категорија, туку спаѓа во делот на пореметување на личноста од антисоцијален/психопатски тип.

Карактеристики на нарцисоидното пореметување на личноста се:

-пренагласено доживување на сопствената важност и преценување на сопствените способности кои се реално гледано сосема просечни

-преокупирање со нереални доживувања-фантазии за голем успех, сила, големина, убавнина, иделна љубов

-ниска самодоверба и самопочит кои се кријат зад конструираната иделана слика за себе

-ароганција и склоност кон понижување на другите луѓе за да се воздигне себе си

-поради чувството за посебност за оваа личност не важат ни социјалните, ниту било какви правила, туку бара и очекува посебни третмани

-мисли дека никој не го разбира освен посебните луѓе – тоа можат да бидат натпросечно ителигентни, образувани, натпросечно талентирани… бидејќи само таквите му се „рамни“

-недостаток на емпатија

-неспособност да сака и да доживува длабоки чувства-преголема чувствителност на критика, бидејќи критиката доведува до напади на т.н. „нарцисоиден бес“

-хронична зависност, нарцисите се хронично завидливи на другите на се’ и сешто, а мислат дека другите им завидуваат на нивната „убавина“, „успех“…

-хронично лажење

-склоност кон манипулирање и настојување да воспостават моќ над другите. Тие лажат, изневеруваат, ја превртуваат вистината, игнорираат, глумат повреденост, заплашуваат, се закануваат, уценуваат…

-инструментализација на сексуалноста, а  тоа значи да ги сведат односите на физички контакт, без вистински емоции

-промискуитет

-брзо го менуваат расположението, имаат често чувство на здодевност и внатрешна празнина

-глад за емотивна стимулација

-во нив доминира чувство на незадоволство

-мразат и имаат голема желба за одмазда

-непреземање одговорност за своите постапки-префрлаат вина, како и сите свои лоши особини на други

-ги делат луѓето по принцип „црно-бело“ или „добри-лоши“

Иако се’ ова делува како да е текст за клиничка слика на еден нарцис, сепак е доволно да го препознаете- а и ако сметате дека не можете да го издржите сето тоа-едноставно да побегнете.

 

Извор: topsajt.com


Доколку преземете содржина од оваа страница, во целост сте се согласиле со Услови за преземање.

Банер за Супер7