ММС
Банер за Супер7

Објавено на: 06/29/22 8:55 AM

Делумно затворен воздушниот простор во Германија

Од изутрината не функционира центарот Ланген во Германија, преку кој се контролира воздушниот простор во централна Германија со важни аеродроми како Дизелдорф, Келн и Франкфурт. Областа се протега од Касел до езерото Констанца и од француската граница до Тирингија. Поради технички проблеми во германската контрола на летовите ограничен е воздушниот сообраќај во повеќето делови на Германија, објасни портпаролката на федералната институција, пишува Билд. Според нив, во контролниот центар Ланген има проблем со софтверот и се работи на итно решавање на проблемот.

Според Фрапорт, поради овој проблем е зафатен целиот европски воздушен простор. Во Франкфурт има доцнења и изолирани откажувања на летови, објави во аеродромскиот оператор .

“Патниците треба да имаат доволно време да пристигнат и да дојдат на пријавување што е можно порано. Покрај тоа, се препорачува однапред да се провери статусот на летот. Ќе има доцнења во одредени операции и откажувања на летови на аеродромот во Франкфурт”, соопшти Фрапорт на својата веб-страница.

Луфтханза, најголемата авиокомпанија на аеродромот во Франкфурт, информираше дека е премногу рано да се каже колку од нејзините летови ќе бидат погодени со овој проблем. Веб-страницата на аеродромот во Франкфурт покажува неколку откажувања на летови, иако причината не е наведена.

 

Извор: Агенции


Доколку преземете содржина од оваа страница, во целост сте се согласиле со Услови за преземање.

Банер за Супер7