ММС
Банер за Супер7

Објавено на: 06/28/22 11:45 AM

Не вреди да се инвестираат 50 милиони евра во авиони за гасење пожари што се употребуваат еден месец – став на албански министер

Албанија не може да си дозволи да купи и одржува авион за гаснење шумски пожари, изјави албанскиот министер за одбрана Нико Пелеши пред парламентарната комисија за безбедност, објави веб-страницата „Егзит”.

Опозициските пратеници го прашаа Пелеши за способноста на земјата да се бори со пожарите, откако неодамнешниот пожар на островот Сазан ја откри неподготвеноста на албанските власти да гаснат пожари од воздух. Откако не успеаја обидите за гаснење на огнот на теренот, Албанија повика  грчка интервенција.
Пелеши рече дека Албанија не може да си дозволи да купи специјален противпожарен авион или да плати за неговото одржување.
„Ние сме мала земја, не вреди да се инвестира во авион кој чини 50 милиони евра, и да ги имаме не сме во ситуација да инвестираме 50 милиони евра во нешто што ќе го користиме еден месец, а кон тоа се додава и цената на поддршката која е многу висока”, објасни министерот.

Тој додаде дека „добрата вест” е што Албанија има соработка со други земји кои можат да помогнат во такви случаи.

На ова денеска преку објава на Фејсбук реагираше Сали Бериша, лидер на крилото за обнова на Демократската партија, кој обвини дека “премиерот Рама за еден лет троши 200 илјади евра, наместо 2.000 со редовна авионска линија”.
Меѓу другото Бериша додава дека министерството треба да биде главен гарант на безбедноста на албанските граѓани а не ” адвокат на злоупотребите и кражбите на Еди Рама”.
МИА

Доколку преземете содржина од оваа страница, во целост сте се согласиле со Услови за преземање.

Банер за Супер7