ММС
Банер за Супер7

Објавено на: 05/25/22 5:00 PM

Моралес уште една година во Вардар, а пристигнува Русинот Павел Андреев

Десниот бек Куни Моралес го продолжи договорот со Вардар и ќе игра во „црвено-црниот” дрес и следната сезона.

– Леворакиот бек имаше одлични партии во дресот на македонскиот првак и освојувачот на двојната круна. Особено во клучните моменти и во натпревари кои беа од особено значење за тимот. Со неговите продорни влезови и прецизни шутеви на многу натпревари Вардар ја покажа играчката надмоќ, а подеднакво одлично играше и во одбрана.

Бескомпромисен борец и вистински професионалец, и на задоволство на двете страни е продолжена соработката за најмалку уште една сезона. Моралес и во иднина ќе ги „кине” ривалските мрежи, не само во домашното првенство туку и во Лигата на шампионите, објавено е на клупскиот сајт на РК Вардар.

Сезонава Моралес постигна 36 гола на 12 натпревари во Лигата на шампионите, а во домашното првенство постигна 86 гола во регуларниот дел и во плејофот.

Македонскиот ракометен шампион Вардар денес објави за ангажман на рускиот интернационалец Павел Андреев кој доаѓа од тимот на Чеховски Медведи.

Дваесет и деветгодишниот од 2006 година е дел од тимот на повеќекратниот шампион на Русија, а од 2014 игра во првиот тим. Зад себе има и настапи за репрезентацијата на Русија на последните две големи натпреварувања – ЕП 2020 и на СП 2021.

Со ангажирањето на Андреев одбраната на Вардар треба да биде подеднакво цврста како и досега, и тоа е играч што настапува во два правци, и во напад и во одбрана.

Во сезоната 2019/20 беше избран за најдобар дефанзивец во руската Суперлига, а со Чеховски Медведи досега има освоено седум шампионски титули, четири во Купот на Русија и седум во Суперкупот.

Андреев е четвртото засилување за Вардар, по десниот бек Цехте, средниот бек Анѓелиќ и левиот бек Дуарте.

МИА

фото: В. Тануровски

 


Доколку преземете содржина од оваа страница, во целост сте се согласиле со Услови за преземање.

Банер за Супер7