ММС
Банер за Супер7

Објавено на: 05/23/22 12:45 PM

Доживотен затвор за младиот руски војник Вадим Шишмарин за воено злосторство во Украина

Дваесет и едногодишниот руски војник Вадим Шишмарин  денеска е осуден на доживотен затвор затоа што усмртил цивил, на првото судење за воени злосторства во Украина, јави ДПА.

Судот во Киев денеска сметаше дека Обвинтелството ја докажа неговата вина, по признанието на војникот дека застрелал 62-годишен цивил среде руската инвазија на Украина.

Ова беше првиот случај што се водеше на суд по хоророт што светот го виде од руските злосторства во Украина, пренесе ДПА.

Престрелката се случила во селото Чупахивка, во североисточниот регион Суми. Војникот, кој е од Сибир, рече дека дејствувал по наредба на неговите претпоставени. Тој се извини и побара прошка од вдовицата на цивилот за време на судењето.

Обвинителството побарало доживотен затвор. Одбраната се залагаше за ослободителна пресуда, велејќи дека војникот извршувал наредба.

Казната ќе стане правосилна дури по евентуална жалба.

Можно е војникот да биде разменет за украински затвореници во Русија, наведува германската агенција.

МИА


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1