ММС
Банер за Супер7

Објавено на: 05/15/22 11:00 AM

Подобрете ги когнитивните способности: Со лесни навики до подобра функција на мозокот

Памтењето е ментална активност со која се присетуваме на информациите кои веќе сме ги искусиле или научиле во минатото. Тоа е сложен систем кој се базира на многу процеси во мозокот и е клучен дел од нашиот живот. Затоа е многу важно здравјето на нашиот мозок, но и работата на тоа да го подобриме памтењето. Во тоа може да ни помогнат некоку едноставни техники и навики.

Внимателно бирајте ја храната

Храната богата со незаситени масни киселини, со витамините Ц, А, Е и Д, како и со минерали и влакна, би требало да биде дел од секојдневното мени. Во вашата исхрана почесто воведувајте намирници како што се рибата, кромидот, темниот зеленчук и црвеното овошје. Препорачливо е да се избегнува претеран внес на храна со висок процес на рафиниран шеќер и да се намали внесот на алкохол.

Користете омега-3 додатоци

Омега-3 масните киселини се важни за когнитивните функции и за подобрување на памтењето. Се покажало дека конзумацијата на соодветна количина омега-3 придонесува за подобро когнитивно здравје, но и за зголемување на протокот на крв во мозокот.

Бидете активни и вежбајте

Вежбањето е лек за телото и мозокот. Студиите покажале дека физичката активност ги зголемува белата и сивата маса во мозокот. Сивата маса е одговорна за повеќето процеси кои се одвиваат во мозокот, додека белата е повеќе вклучена во комуникацијата во мозокот и помеѓу мозокот и ‘рбетниот мозок, а сето тоа е важно за функцијата на меморијата. Физичката активност го зголемува нивото на кислород во мозокот и го намалува ризикот од болести кои може да доведат до губење на меморијата, дијабетес и кардиоваскуларни болести.

Опуштање

Опуштањето со прошетка во природа ја подобрува функцијата на мозокот. Освен тоа, ја зголемува сивата маса во мозокот и придонесува за полесно учење.

Не заборавајте на сонот

Спиењето е клучно за одржување на доброто памтење. Кога спиеме, се зголемуваат нашата креативност и концентрација, што исто така поволно влијае и на меморијата. Препорачливо е да се придржувате до распоредот за спиење и секој ден да легнувате и станувате во исто време.

 

Извор: telegraf.rs


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1