ММС
Банер за Супер7

Објавено на: 05/7/22 5:00 PM

(Видео) Малтретирањето коњи во Берово го гледаа од МВР и АХВ, како дел од публика примитивци, реагираат од Анима Мунди

Здружението за заштита на животни пред некој ден со допис опоменуваше дека ќе се случи она што денес се случуваше во берово, а тоа е измачување на коњи.

Од Здружението денес објавија водео, во кое се гледа како слаб и изнемоштен коњ влече товар, кој е многу пати поголем од неговите можности и тоа пред очите на преставниц на МВР и АХВ.

-На вчерашното мачење, малтретирање на коњите во Берово сведочеа службеници на МВР и инспектор од АХВ. Нивното присуство таму пре би го нарекле како да биле дел од публиката примитивци штом пред нивни очи се случува ова на видеото и во ниеден момент како што може да се види никој не го попречува ова одвратно, нехумано и надвор од здрав разум измачување на коњ што е очигледно дека товарот од два трупци, па на крај и еден примитивец е ужасно присилување на кутрото животно да го влече. Коњот едвај се движи, паѓа, се удира во ограда под притисок на урлањето на толпа монструми и е очигледно дека товарот го надминува неговиот физиолошки капацитет особено што ги влече двата трупци, едниот за т.н. полесна категорија и друг за потешка категорија според правилата на овој настан. Го удираат, туркаат и што се не, велат во реакцијата од Анима Мунди и додаваат:

-Знае ли Агенцијата за храна и ветеринарство и нивните инспектори за благосостојба што пишува во законот под нивна надлежност? Дали во овој видео запис се почитува благосостојбата на коњот?
Знаат ли службениците на МВР дека мачење и малтретирање на животни го прекршува член 233 од Кривичниот закон? Знаете ли вие уствари што треба да работите? По се изгледа не!Јавно ги повикуваме сите надлежни институции и Општина Берово да го осудат, санкционираат и да не дозволат одржување на вакви монструозни настани. Итно да се казни организаторот и сите овие лица на видеото, ова дејствие ги има сите елементи на мачење и малтретирање на животни, го прекршува законот за благосостојба на животните и е слика на една држава во која владее безредие и анархија и една општина која е примитивна, реагираат од Анима Мунди. .


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1