ММС
Банер за Супер7

Објавено на: 03/28/22 8:00 PM

Синот на Бајден финансирал биолошко оружје?! Протекоа документи од неговиот оштетен лаптоп

Според новите мејлови до кои дошол британскиот медиуми Дејли Меил, Хантер Бајден одиграл клучна улога во давањето можност на „Метабиота“ да спроведе истражување за смртоносните патогени во близина на Русија. Британскиот весник ја објави преписката која протече од веќе заборавениот и оштетен, лаптоп поп, синот на американскиот претседател.

„Тврдењето на Москва дека синот на американскиот претседател Хантер Бајден помогнал во финансирањето на воените истражувања за опасните патогени во биолабораториите во Украина е точно“, се вели во текстот, само неколку дена откако истите медиуми објавија дека Русија ја засилила својата „дива пропагандна кампања“ со презентирање тврдења за биолошко оружје.

Минатата недела овој медиум, коментирајќи ги тврдењата на командантот на руските сили за нуклеарна, биолошка и хемиска заштита дека постои „шема на интеракција меѓу американските владини агенции и украинските биолошки капацитети“, тврдеше дека тоа се измислици.

Пресвртот во третманот на американските биолаборатории во британскиот печат дојде откако редакцијата наводно примила два обемни мејлови „од напуштен компјутер“, кои сведочат дека инвестицискиот фонд „Росмон Сенека“, на чело со Хантер Бајден, собирал пари за финансирање „Метабиота“ како изведувач на Министерството за одбрана на САД.

„Синот на претседателот Џо Бајден и неговите партнери од Розмонт Сенека исто така инвестирале 500.000 долари во Метабиот“, покажуваат документите.

Е-поштата, која содржи меморандум од април 2014 година, покажува дека Хантер Бајден и извршната директорка на Метабиота, Мери Гутиерез разговарале „како потенцијално можат да користат заеднички тим, мрежи и концепти за да ја потврдат културната и економска независност на Украина од Русија“ и интеграцијата во западно општество“.

Основана е во 2009 година од Хантер Бајден, Кристофер Хајнц и Девон Арчер. Хантер Бајден е помладиот син на поранешниот американски потпретседател и актуелен претседател на САД Џо Бајден, додека Кристофер Хајнц е посинок на поранешниот американски државен секретар Џон Кери. Арчер е бизнисмен кој му бил колега на Хајнц на Универзитетот Јеил.

Хајнц ги прекина деловните односи со компанијата во 2014 година, откако Бајден и Арчер се приклучија на одборот на Бурисма, украинска енергетска компанија. Хајнц се спротивстави на нивното влегување во одборот на Бурисма поради опасноста тоа да го уништи нивниот углед. Девон Арчер беше осуден во 2018 година под обвинение за измама.

извор: Mondo/Dailymail.co.uk

фото: knowyourmeme.com/


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1