Двајца од Косово тргнале да се борат против Русија, па задржани на украинската граница
ММС
Банер за Супер7

Објавено на: 03/9/22 3:52 PM

Двајца од Косово тргнале да се борат против Русија, па задржани на украинската граница

Двајца Албанци од Косово, кои се упатиле кон украинската граница, сакајќи да им се приклучат на вооружените сили на Украина, биле приведени на границата меѓу Украина и Полска, каде биле испрашувани четири часа, јавуваат Репортери.
Канал 10 јавува дека не можеле да влезат во Украина и дека биле испрашувани околу четири часа за мотивите поради кои сакале да ја преминат границата.

Азиз Бехљули и Исмет Шала од Сува Река вчера изјавиле дека една од причините зошто сакаат да се борат на страната на Украина е тоа што Русија не ја признала независноста на Косово.
– Сакаме да ги поддржиме и Соединетите Американски Држави, бидејќи можеби после тоа Украина ќе го признае Косово – рекол Шала.

Учеството во војни надвор од територијата на Косово се третира како кривично дело и е класифицирано како терористички акт, а казната е од три до 15 години затвор.

 


Доколку преземете содржина од оваа страница, во целост сте се согласиле со Услови за преземање.

Банер за Супер7