ММС
Банер за Супер7

Објавено на: 02/4/22 1:52 PM

Свирежите на граѓаните се нормална реакција, а ние сме платени да трпиме секаква критика од нив, рече Пендаровски

Запрашан во однос на свирежите со кои беше пречекан од група граѓани собрани пред црквата Свети Спас каде е гробот на Делчев, шефот на државата нагласи дека тоа е нормално во едно демократска држава граѓаните слободно да изразуваат незадоволство.

– Реакцијата е логична, нормална во една демократија да ги затвораме луѓето затоа што изразуваат незадоволство или задоволство од кој било наш потег. За тоа се боревме да живееме во демократска држава, не во држава во која изречен збор или став во кој било медиум или на отворено. Тамам работа. Ние сме тука, ние сме платени да трпиме секаква критика и невтемелена и втемелена од нашите граѓани и мене ми е драго што има и такви реакции меѓу другите, вели Пендаровски.

Претседателот Пендаровски е покровител на изложбата организирана од Државниот архив со документи, и кореспонденција на Делчев и на неговите најблиски соработници која досега македонската јавност немала прилика да ја види. Изложбата е само дел од повеќето настани на различни локации во текот на денот со кои се одбележува овој значаен ден.

– Не би трошел зборови за тоа кој бил Гоце Делчев, сите знаеме, учиме од најмала возраст во нашите училишта и мислам дека е ред на ваков начин да го одбележиме овој ден, вели шефот на државата Пендаровски.

 

МИА


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1