ММС
Банер за Супер7

Објавено на: 01/27/22 9:06 PM

Се бараат доброволци кои ќе се заразат со Ковид-19

Првото медицинско тестирање во светот во кое е дозволено намерно изложување на субјекти на коронавирус е барање волонтери за развој на подобри вакцини.

Студијата на Универзитетот во Оксфорд беше лансирана минатиот април, три месеци откако Британија стана првата земја што одобри тестови за коронавирус врз луѓе.

Неговата прва фаза, која сè уште е во тек, се фокусира на откривање на количината на вирусот потребна за да предизвика инфекција, додека втората ќе има за цел да го одреди имунолошкиот одговор потребен за да се спречи инфекцијата, се вели во соопштението.

Научниците се блиску до утврдување на најслабата можна инфекција со вирусот, што гарантира дека околу половина од луѓето изложени на него ќе добијат асимптоматски или благ ковид.

Тие потоа планираат да ги изложат доброволците – сите претходно природно инфицирани или вакцинирани – на таа доза од оригиналната варијанта на вирусот за да одредат кои нивоа на антитела или имунолошки Т-клетки се потребни за да се спречи инфекцијата.

„Тоа е имунолошки одговор кој треба да биде поттикнат од новата вакцина“, рече Хелен Мекшејн, професорка на Универзитетот Оксфорд и водач на студијата.

Наодите од истражувањето ќе помогнат да се направи идниот развој на вакцините многу побрз и поефективен, се вели во соопштението.

Имунолозите ширум светот се обидуваат точно да го одредат нивото на имунолошки одговор што вакцината мора да го предизвика за да се заштити од болести.

Откако ќе се открие тоа ниво, потребата за масовно тестирање на вакцините се намалува.

Научниците со децении користеа човечки студии за да развијат третмани против многу заразни болести, но ова е првата позната студија за Ковид.

Негативната страна на истражувањето е ризикот по здравјето на волонтерите кои добиваат коронавирус, но Оксфорд ги презема сите мерки на претпазливост.

Испитаниците мора да бидат здрави и на возраст меѓу 18 и 30 години.

Тие ќе бидат ставени во карантин најмалку 17 дена, а сите кај кои ќе се појават симптоми ќе го добијат лекот Регенерон – моноклонални антитела на Ронапрева.

Извор: Б92.нет


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1