ММС
Банер за Супер7

Објавено на: 01/25/22 1:14 PM

Нови препораки на ЕУ за патување од 1. февруари

Советот на ЕУ усвои ревидирана препорака за мерките кои влијаат на слободното движење за време на пандемијата Ковид-19, според која мерките треба да се спроведат земајќи го предвид индивидуалниот статус, а не состојбата на регионално ниво.

„Ова значи дека вакцинацијата на патникот против ковид-19, тестирањето или статусот на закрепнување од ковид-19, како што е потврдено со важечкиот дигитален сертификат на ЕУ за ковид, треба да биде клучна одредница“, се наведува на официјалната веб-страница на Советот на ЕУ.

Пристапот заснован на личност, значително ќе ги поедностави правилата и ќе обезбеди дополнителна јасност и предвидливост на патниците.

Како што е наведено, оваа препорака ќе стапи на сила на 1 февруари, кога рокот на важност на сертификатот за ковид ќе биде ограничен на 270 дена.

На веб-страницата на Советот е наведено дека важечкиот дигитален сертификат за ковид вклучува потврда за вакцинација, негативен резултат од PCR тест или сертификат за закрепнување на ковид.

Кога станува збор за потврдата за вакцинација, се наведува дека тоа е потврда дека вакцината е одобрена на европско ниво доколку поминале најмалку 14 дена и не повеќе од 270 дена од последната доза од примарната серија вакцинација или ако лицето добило бустер доза.

„Земјите-членки, исто така, би можеле да прифатат сертификати за вакцинација за вакцини одобрени од националните власти или СЗО“, се вели во препораките на Советот.

Вториот документ е негативен резултат од PCR тест добиен не повеќе од 72 часа пред патувањето или негативен брз антигенски тест добиен не повеќе од 24 часа пред патувањето, а третиот е потврда за закрепнување што покажува не повеќе од 180 дена од датумот на првиот позитивен резултат на тестот.

Од лицата без дигитален ЕУ-ковид сертификат може да се бара да се подложат на тест пред или најдоцна 24 часа по пристигнувањето. Децата на возраст под 12 години, како и прекуграничните работници, се изземени од ова правило.

Како што беше најавено, ЕУ ќе продолжи да ја проценува состојбата во регионите, а т.н. механизам е задржан за итни случаји на нови варијанти или зголемена загриженост за ширење на вирусот.

Препораките на Советот не се правно обврзувачки, така што органите на земјите-членки треба да одлучат за нивното спроведување.

Преземено од: https://www.politika.rs/


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1