ММС
Банер за Супер7

Објавено на: 01/21/22 10:38 AM

Наместо да почне да го ужива дипломирањето, 24-годишната девојка денеска ќе биде погребана во Радовиш

Шок и револт денеска меѓу жителите на двете општини Конче и Радовиш каде живеело семејството на 24 – годишната Викторија Н., која синоќа почина на лице место, откако беше прегазена на пешачки премин кај Сити Мол во Скопје. Девојката била на шопинг во трговскиот центар со своето момче и друштвото. Кога тргнале да си одат, Викторија и нејзиното момче беа покосени од возилото тојота, со кое управувал 22-годишник од Скопје.

Според информациите од сограѓаните на двајцата млади, целото друштво било на пешачкиот премин, но Викторија и нејзиното момче биле последни, кога врз нив налетало возилото.

Како што информира МВР, во несреќата патничко возило управувано од Ј.Ѓ. (1999) од Скопје, удрило во Л.Д. (1997) од Радовиш, кој е повреден и пренесен во ГОБ „8 Септември“ и В.Н. (1997) од Радовиш, која починала на местото.

Семејството на Викторија потекнува од селото Дедино, Општина Конче и веќе десетина години живеело во Радовиш. Викторија била средната од трите сестри и неодамна дипломирала.

Во Општина Конче ја бројат третата жртва во изминатите десетина  – петнаесетина години  на скопскиот асфалт. На ист начин, на пешачки премин биле прегазени уште две млади девојки од оваа Општина. Граѓаните се револтирани, особено што млади луѓе ги губат животите во скопскиот сообраќаен хаос, каде не се почитуваат ни правила ни ред. Очекуваат брз одговор од институциите.

Погребот на Викторија е денеска во Радовиш.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1