ММС
Банер за Супер7

Објавено на: 01/20/22 3:13 PM

Беким Сали ќе го менува составот на Комисијата за заразни болести

„Промените во составот на Комисијата за заразни болести ќе бидат во насока на проширување и дополнување на нејзиниот состав, со нови, професионални кадри од повеќе области. Во тек се дискусиите, а во таа насока денеска имав состанок со претседателот и секретарот на Комисијата“, изјави за МИА министерот за здравство Беким Сали.
Професионалното работење на Комисијата за заразни болести, како што посочи министерот, е од најголема важност, а одговорот кон потребите на граѓаните е врвен приоритет.
– Апсолутно го разбирам интересот на јавноста за натамошните чекори во врска со составот на ова тело, бидејќи околностите бараат засилено и координирано дејствување врз основа на стручни и реалистични проценки. Во оваа Комисија веќе има доста искусни професионалци во своите области, а натамошните чекори ќе подразбираат надградба, усовршување и професионализација. Целта на овие мерки е намалување на бројот на заразени лица, како и воопшто, заштита на јавното здравје, во најдобар интерес на граѓаните“, додаде министерот Сали.

МИА


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1