ММС
Банер за Супер7

Објавено на: 01/12/22 2:56 PM

(Видео) Жена му чисти снег после ноќна смена, додека тој гледа ТВ-твитерџиите го нападнаа

Канадски политичар се најде на удар на јавноста откако објави навидум безопасна фотографија од неговата сопруга како го чисти снегот на нивниот пат пред домот. На 8 јануари, Џон Рејес објави на Твитер фотографија од неговата сопруга Синтија, на која се гледа како таа чисти длабок снег пред нивната куќа.

„И по 12-часовната ноќна смена во болницата, мојата сопруга се уште има сила да го исчисти снегот пред куќа. Господ да ја благослови неа и сите работници на првата линија. Време е да и го подготвиме појадокот“, напиша Рејес.

Објавата привлече големо внимание. Повеќето корисници на Твитер го нападнаа политичарот зошто самиот не го исчистил влезот пред домот.

-Зошто не го направи ти тоа? – прашал еден корисник, пренесува Independent.

Други напишаа дека Рејес можел да го исчисти снегот додека неговата сопруга била на работа.

-Бевте будни во 2:45 и гледавте тенис, додека вашата сопруга работеше 12-часовна смена во болница за време на пандемијата – напиша друг корисник заедно со фотографија од твитот што Рејес го објави истиот ден за време на тенискиот натпревар. Имаше и такви кои коментираа дека Рејес само сакал да покаже колку се грижи за својата сопруга.

извор: Telegraf.rs


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1