ММС
Банер за Супер7

Објавено на: 01/12/22 8:15 AM

Снежна Македонија со 69 см снег на Шапка, отежнат сообраќајот на Плетвар

Минусни температури и снег во поголемиот дел од државата. Најстудено е на Попова Шапка, каде се измерени -8 степени, а има наврнато и најмногу снег – 69 сантиметри.

Маврово е со 20 сантиметри снег со измерени -7 степени, по што следува Крушево со 14 сантиметри снег и измерени -6 степени.

Во Берово каде се измерени -4 степени, во Крива Паланка, Битола и Прилеп -3, во Дебар -2 степена и во Скопје, Штип, Виница, Демир Капија, Куманово, Тетово, Охрид и Претор -1 степен. Во Дојран се измерени нула степени. Над нулата утринските температури се во Струмица и Гевгелија.

За денеска се најавува сончево и студено време со умерена облачност. Ќе дува умерен до засилен ветер од северен правец. Максималната температура ќе биде во интервал од -1 до 6 степени.

Врнежи од снег утринава има на планинските превои Плетвар и Буково, а со помал интензитет и на Попова Шапка, Маврово и Агино-Миладиновци. Врнежи од снег има и во Прилеп, Железнец, Неготино, Демир Капија, Удово и Крушево.

Авто мото сојузот на Македонија информира дека на планинскиот превој Плетвар се уште важи забраната за сообраќај за тешки товарни возила кои немаат зимска опрема.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1