ММС
Банер за Супер7

Објавено на: 01/11/22 1:36 PM

Нема нови ковид мерки денеска, Комисијата дискутираше ама не донесе одлуки

Министерството за здравство соопшти дека членовите на Комисијата за заразни болести на денешниот состанок дискутираа за повеќе предлог мерки, за кои дополнително ќе се донесат одлуки и заклучоци во наредните денови.
На Комисијата, како што се посочува, се разгледува предлогот за скратување на времето на изолација на позитивни од тестирани на SARS-CoV-2 кои се со асимптоматски случаи. За овој предлог членовите ќе донесат одлука по дополнителна обемна дискусија која ќе следи во следните денови.
На денешниот состанок Комисијата ја разгледуваше и можноста за промена на датумот на почетокот на второто полугодие од учебната 2021/2022 година. Одлуката по овој предлог ќе биде донесена непосредно пред почетокот на второто полугодие, бидејќи клучно ќе биде каква ќе е епидемилошката состојба во државата.

Одлуката за почетокот на второто полугодие од учебната година ќе биде усогласена и со Министерството за образование и наука, информираат од Министерството за здравство.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1