ММС
Банер за Супер7

Објавено на: 01/8/22 5:50 PM

Нови 632 случаи на корона вирус, 11 починале, оздравеле 248 пациенти

Има 632 нови случаи на ковид-19 од направени 6.531 тест во изминатите 24 часа. Оздравени се 248, а починати 11 лица, од кои седум во изминатото деноноќие. Најмладиот на 40 години, и дополнително четири лица, со датум на смрт од 20 декември до 5 јануари.
Од новодијагностицираните, во Скопје се 470, Охрид – 35, Прилеп – 25, Кавадарци и Штип по 17, Струмица – 14, Велес – 10, Гевгелија – девет, Кичево има пет нови случаи, Неготино – четири, Куманово – три, Тетово, Битола, Гостивар, Струга, Крива Паланка, Дебар, Валандово и Богданци по два и по еден нов случај во Кочани, Свети Николе, Ресен, Радовиш, Делчево, Виница и Пробиштип.
Регистрирани се седум починати лица – по две од Скопје (68г и 76г) и Битола (40г и 75г) и по едно починато лице од Прилеп (67г), Охрид (72г) и Крушево (74г). Пријавените се починати во болнички услови.
Согласно Регистарот на умрени лица од „Мој термин“, пријавени се 4 лица, по едно лице од Прилеп, Кратово, Дебар и Гостивар, починати од 20 декември 2021 до 5 јануари 2022. Починатите се на возраст од 69 години до 87 години. Од нив, две лица починале во болнички услови и две во домашни услови.
Евидентирани се 248 оздравени пациенти. Во Скопје – 142, Битола – 22, Кавадарци – 13, Охрид – 10, Прилеп – седум, Куманово – шест, Штип, Струмица, Велес и Гевгелија имаат по пет оздравени, Валандово, Ресен и Македонски Брод по четири, Тетово, Богданци и Берово по тројца, Дојран – двајца и по еден оздравен во Кичево, Неготино, Струга, Кочани и Делчево.

Вкупниот број на ковид-дијагностицирани од почетокот на епидемијата достигна 232.068 од 1.648 399 тестирања. Оздравени се  214.506 пациенти, починале 8023, а активни случаи има 9539.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1