ММС
Банер за Супер7

Објавено на: 01/2/22 7:00 PM

Пријателство кое нема граници: Куче 13 часа со своето тело греело повреден планинар

Хрватската планинска спасувачка служба соопшти дека утрово е завршена една од најтешките спасувачки операции кои ги организирала и дека е спасен повреден планинар кој се лизнал низ падина од 150 метри на највисокиот врв на Велебит (Вагански врв).

Во акцијата учествувале 27 спасувачи од Госпиќ, Задар, Сплит и Истра. Повредениот планинар се наоѓал на многу непристапен терен, а акцијата за спасување траела речиси девет часа.

Спасувачите објавија и детал на Фејсбук кој ги воодушеви сите. Имено, заедно со планинарот се лизнало и неговото куче. Тоа не било повредено и се свиткало покрај планинарот, греејќи го со своето тело цели 13 часа.

– Од овој пример, сите можеме да научиме како да се грижиме еден за друг, напишаа спасувачите.

„Пријателството и љубовта помеѓу човекот и кучето нема граници. Поради низа несреќни околности вчера попладне заедно се лизнале по падината. Заедно во среќни и тешки моменти таков е животот. Норт поминал без повреди, но неговиот пријател, млад планинар, немал толку среќа“, напиша хрватската спасувачка служба на Твитер.

 

фото: Croatian Mountain Rescue Service (HGSS)

 


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1