ММС
Банер за Супер7

Објавено на: 12/2/21 4:11 PM

Нови 333 ковид случаи, починале 16 пациенти, оздравени се 376

Нови 333  случаи на ковид-19 од 2.440 тестирања се регистрирани во изминатите 24 часа. Починаа 16 пациенти, најмладиот на 33 години. Дополнително, уште едно лице починало на 30 ноември, согласно со регистарот на Мој термин. Според податоците на Институтот за јавно здравје, во изминатото деноноќие евидентирани се 376 оздравени пациенти, соопшти Министерството за здравство.

Од новодијагностицираните 333, во Скопје се 154, Битола и Прилеп имаат по 23, Кавадарци – 22, Куманово – 16, Охрид – 15, Штип – девет, Струмица – осум, Велес – седум, Тетово – шест, Делчево и Валандово по пет нови случаи, Крива Паланка, Ресен и Кратово по четири, Кочани, Струга , Гевгелија и Неготино по три, Радовиш, Пробиштип, Богданци, Демир Хисар и Крушево по два и по еден новозаразен е регистриран во Гостивар, Кичево, Свети Николе, Виница, Македонска Каменица и Пехчево.

Од 16-те починати, четворица се од Скопје (42г, 54г, 64г и 80г), по двајца се од Битола (33г и 86г), Штип (62г и 78г) и Кочани (55г и 82г) и по еден починат од Прилеп (74г), Охрид (86г), Велес (80г), Крива Паланка (77г), Богданци (58г) и Демир Хисар (83г). Сите се починати во болнички услови. Пациентот починат на 30 ноември, пријавен согласно Регистарот на умрени лица со дијагноза ковид-19 од Мој термин, е од Кавадарци, на возраст од 63 години и починал во болнички услови.

Од оздравените 376 пациенти,  од: Скопје се 135, Битола – 34, Прилеп – 31, Кавадарци – 22, Кочани – 18, Велес – 16, Крива Паланка – 14, Куманово, Штип и Берово по 12, Гевгелија – девет, Ресен – осум, Тетово и Струмица по седум, Делчево – шест, Кичево, Кратово и Богданци по пет, Виница и Пробиштип по четири оздравени, Охрид, Валандово и Македонска Каменица по двајца и по еден оздравен од Свети Николе, Радовиш, Демир Хисар и Крушево.

Бројот на ковид дијагностицирани во нашата земја од почетокот на епидемијата достигна 216 328 од 1 476 534 тестирања. Оздравени се 200.669, починати има 7.609, а вкупно активни случаи има 8050.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1