ММС
Банер за Супер7

Објавено на: 11/30/21 10:45 AM

Ковидот ја однесе во стечај фабриката за Моцарт чоколадните топчиња

Компанијата „Салцбург чоколада“ од Гредиг, позната по производството на Моцарт топките, поднесе барање за стечај до провинцискиот суд во Салцбург.
Поради овој неочекуван крах, синдикатите заедно со работничкиот совет и раководството на компанијата, планираат да разговараат за состојбата и да ги информираат вработените.
Иако компанијата бележеше профит во изминатите години, минатата година пандемијата силно ја погоди, напиша директорот Кристијан Шигерл.
Поради значително намалениот број на туристи, настани и прослави, забележан е пад на продажбата на чоколадни производи, а исто така и Моцарт топките.
Падот на прометот од лани можеше само делумно да се компензира во новата деловна година, а покрај новите клиенти во извозот и државната помош во време на корона, и годинава ќе биде забележана огромна загуба поради минатото.
„Сегашниот локдаун и значителното зголемување на цените на суровините, енергијата, платите, трошоците за логистика, материјалите за пакување.. се дополнителни причини“, додаде Шигерл, додавајќи дека на вработените не може да им се исплаќаат ноемвриските плати, како и божиќниот бонус.
Инаку, оваа компанија ги произведува „Chocolate Bobby“, „Maria Theresa Thaler“ и „Salzburg Confishers“.
Компанијата е основана во 1897 година под името „Раизигл фабрика за слатки“ во градот Салцбург, а во 1956 година е преместена во Гредиг.

Извор: b92

фото: Profimedia


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1