ММС
Банер за Супер7

Објавено на: 11/25/21 4:31 PM

(Видео) Филмот “Самохрана мајка со дете со посебни потреби“ на ММС во официјалната програма на „Мобил Фестивал“

Четириесет и еден филм од 27 земји ја чинат програмата на годинaшното 12-то издание на Интернационалниот фестивал за филмови снимени со мобилен телефон „Мобил фестивал”, а меѓу нив е и видео-приказната  “Самохрана мајка со дете со посебни потреби“ која целосно ја изработи Орце Костов, новинар на Македонски Медиа Сервис.

Фестивалот ќе се одржува во хибридна форма од денеска до 1 декември преку платформата „Cinesquare.net”, и во Кинотеката на Северна Македонија на 1 декември.

Годинaшното мото е „Филмот продолжува”. Како што соопштија од тимот на „Мобил фестивал”, на конкурсот за годинава пристигнале повеќе од илјада филмови од целиот свет, од кои во навистина тежок избор беа избрани најдобрите, меѓу кои и три македонски филмови.

Од минатата година филмовите од програмата се достапни во 13 земји од регионот со што Мобил фестивал добива регионална димензија.

Сите филмови се бесплатни за гледање. Традиционално, филмовите ќе се натпреваруваат за признанието „Ратка Илиевска-Лале” за најдобар филм, а ќе бидат доделени и награди за најоригинална приказна, за најинвентивен филм и за најдобра идеја, за кои ќе одлучи тричлено жири.

Организатор е продуцентската и дистрибутерска куќа „КТ Филм и Медиа”, а проектот е поддржан од Град Скопје.

 


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1