ММС
Банер за Супер7

Објавено на: 11/24/21 7:33 PM

На Деве Баир се проверува како излегол автобусот на „Беса Транс“ од државава

Од рано утрово Секторот за професионална одговорност на Царинска управа е на Граничниот премин Деве Баир со цел детално да се изврши контрола на постапувањето на превозникот и царинските службеници, согласно надлежностите пропишани со Законот за превоз во патниот сообраќај на денот на излез од државава на автобусот на „Беса транс“ во кој загинаа 45 македонски граѓани, а седум беа повредни во сообраќајната несреќа што се случи на автопатот „Струма“ во Бугарија, информира Царинската управа.

-Предмет на контрола е и постапувањето за конкретниот превозник и возило и во претходниот период на истиот граничен премин. За наодите од контролата јавноста ќе биде навремено информирана, соопшти Царинската управа.

МИА


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1