ММС
Банер за Супер7

Објавено на: 11/23/21 4:10 PM

Водителките да носат хиџаб – Талибанците воведуваат ограничувања за авганистанските медиуми

Талибанската администрација денеска воведе ограничувања за авганистанските медиуми.

Новите забрани вклучуваат забрана за телевизиски драми во кои настапуваат актерки и наредба водителките на вестите да носат „исламски хиџаб“.

Авганистанското Министерство за спречување на пороците и промоција на доблестите воведе девет правила оваа недела, изјави портпаролот на талибанската администрација, која, како што додаде, главно е фокусирана на забрана на сите медиуми кои се противат на „исламските или авганистанските вредности“, пренесува Ројтерс.

Некои декрети беа конкретно насочени кон жените, што веројатно ќе ја загрижи меѓународната заедница.

„Тие драми … или емисии во кои глумат жени не треба да се емитуваат“, се вели во правилата, додавајќи дека новинарите во етерот треба да носат „исламски хиџаб“, без да дефинираат што значи тоа.

Правилата, сепак, предизвикаа критики од меѓународната организација за човекови права Хјуман рајтс воч (ХРВ), која рече дека слободата на медиумите во земјата се влошува.

„Исчезнувањето на секој простор за несогласување и влошувањето на ограничувањата за жените во медиумите и уметноста е поразително“, рече Патриша Госман, помошник директор на ХРВ за Азија.

Преземено од: https://www.espreso.co.rs/


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1