ММС
Банер за Супер7

Објавено на: 11/23/21 6:56 AM

Бугарскиот премиер на местото на несреќата, Заев, Филипче и Османи отпатуваа за Бугарија

Во тек е истрага за тешката сообраќајка на автопатот Струма, изјави за новинарите премиерот Стефан Јанев кој е на местото на несреќата.

Како што јави дописникот на МИА од Софија, Јанев им изрази сочувство на семејствата на загинатите и ги повика истражителите да си ја завршат работата.

– Имаме огромна трагедија, немаме ништо добро да кажеме, трагедија која не потресе и бара државата брзо да реагира. Да ги оставиме истражните органи да си ја завршат работата, рече Јанев.

Тој информира дека во раните утрински часови се слушнал со премиерот на Република Северна Македонија Зоран Заев.

Заедно со бугарскиот премиер, на местото на несреќата е и министерот за внатрешни работи Бојко Рашков. Според Раков, сликата е ужасна. Сообраќале четири автобуси и најверојатно имало трансфери меѓу нив. Работиме на идентификација, додаде Рашков.

Заштитната ограда на автопатот е уништена од автобусот, а сосема е можно пожарот да настанал во контакт на автобусот со заштитната ограда, рече Рашков. Во моментов кон местото на несреќата патува тим од судски лекари за да го утврдат идентитетот на загинатите.

Премиерот Зоран Заев за МИА потврди дека оди за Бугарија да ги посети преживеаните во автобуската несреќа што се случи ноќеска на автопатот „Струма” во која според првичните информации животот го загубија најмалку 45 лица, а седум се повредени.

Со Заев за Бугарија заминаа и министерот за здравство Венко Филипче и шефот на дипломатијата Бујар Османи.

Заев информира дека во Бугарија се упатени и надлежни екипи од Северна Македонија. Тој изрази сочувство за загинатите во несреќата за која лично бил информиран од бугарскиот претседател Румен Радев и од премиерот Стефан Јанев.

 

МИА


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1