ММС
Банер за Супер7

Објавено на: 11/22/21 3:06 PM

(Видео) 12.000 музичари го соборија Гинисовиот рекорд свирејќи го „Словенскиот марш“

Венецуелската национална организација на млади и детски оркестри, позната како „Систем“, постави нов Гинисов рекорд за најголем оркестар во светот, соопшти владата на таа земја.

Минатата недела околу 12.000 музичари го свиреа „Словенскиот марш“ на Чајковски речиси десет минути на воената академија во Каракас, главниот град на Венецуела, соборувајќи го Гинисовиот рекорд за најголем оркестар во светот поставен од Русија пред две години во Санкт Петербург, кога 8.097 музичари свиреа заедно, пренесува Ројтерс.

Венецуелскиот министер за информации Фреди Нанез и рускиот амбасадор во Каракас Сергеј Мелик-Багдашаров им честитаа на музичарите за денешното обраќање на државната телевизија.

„Словенски марш“ или „Српско-руски марш“ е композиција инспирирана од настаните од Српско-турската војна, во 1876 година, кога голем број руски доброволци се бореле на страната на Србите.

Преземено од: https://www.srbijadanas.com/
Фотографија: Printsream


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1