ММС
Банер за Супер7

Објавено на: 11/22/21 9:39 AM

Ден на албанската азбука: Во државава се почитуваат сите различности-посочи Џафери во својата честитка

Претседателот на Собранието Талат Џафери упати честитка по повод Денот на албанската азбука – 22 Ноември. „Денот на албанската азбука е празник со кој се слави унифицираната азбука, јазикот и писменоста како катализатори на интелектуалното, културното, образовното и секако политичкото издигнување на Албанците, меѓутоа воедно и празник кој има свој значаен удел во највисоките цивилизациски вредности на човештвото“, изјави Џафери во својата честитка .
Според него, јазикот е толку богат и толку вреден колку што се говори правилно, се пишува правилно, се преведува и шири низ светот со должното внимание и индивидуална и колективна одговорност на секој поединец.
„Тоа е моќна алатка која обединува луѓе, идеи и овозможува соработка и напредок и интелектуален, културен и уметнички развој на еден народ, но над сè е идентитетски знак, а Република Северна Македонија е земја во која се негуваат и почитуваат сите различности. Со негување на јазичните и културните разлики, заедно придонесуваме кон зачувување на заедничките трајни вредности и воедно вложуваме во подобра иднина на нашите млади поколенија“, посочува Џафери во честитката.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1