ММС
Банер за Супер7

Објавено на: 11/15/21 11:03 AM

Рајфајзен банка си оди од Бугарија

Австриската банкарска групација Рајфајзен Банк Интернешнал (Raiffeisen Bank International) – РБИ го напушта бугарскиот пазар и ја продава својата подружница ЕАД. Според официјалното соопштение, ЕАД е продаден за 1,015 милијарди евра на белгиската банкарска групација КБЦ.
РБИ најавува дека парите од продажбата на банката во Бугарија ќе ги инвестира во нејзините деловни операции во други земји.
„Одлуката за напуштање на бугарскиот пазар, покрај профитабилноста, се заснова пред се на можноста за добивање дополнителен капитал за одбрани пазари со цел да се искористат атрактивните можности за раст“, велат од РБИ.
Продажбата треба да заврши до средината на следната година, а РБИ и КБЦ, сепак, мора да добијат одобрение од надлежните органи.
Инаку, КБЦ е веќе присутна во Бугарија и со 3.900 вработени е нешто поголема од бугарската филијала на РБИ која има 2.500 вработени.

(МИА)


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1