ММС
Банер за Супер7

Објавено на: 11/15/21 10:47 AM

МЗ: Ревакцинирани се 47 отсто од полнолетните граѓани, 54.170 примиле трета доза

Во петокот и во саботата аплицирани се вкупно 4.684 дози вакцини против ковид-19, од кои 1.133 како прва доза, 916 се ревакцинирани, а 2.635 граѓани примиле трета доза вакцина. Заклучно со 13 ноември вкупно се вакцинирани 813.782 граѓани, ревакцинирани се 784.833, а трета доза примиле 54.170 граѓани, соопшти Министерството за здравство.
Педесет и шест отсто од граѓаните над 40 – годишна возраст, како што се посочува, се ревакцинирани, а 33 отсто од популацијата од 18 до 39 години примиле барем една доза вакцина.
Опфатот со вакцинација со една доза на полнолетната популација е 58 отсто, а со две дози опфатени се 47 отсто од лицата над 18 години. Според бројот на аплицирани вакцини, 39 отсто од целата популација е вакцинирана, а 38 отсто од популацијата во државата примила две дози вакцина, информираат од Министерството.

 


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1