ММС
Банер за Супер7

Објавено на: 11/10/21 1:33 PM

Нема новогодишно украсување на Скопје, Градот ќе го раскине договорот со „Линк медиа плус“, вреден 243.000 евра

„Соочени со енергетската криза која е во тек, а имајќи предвид дека државата набавува електрична енергија со драстично повисока цена, како и во согласност со владината одлука за прогласување на кризна состојба во енергетскиот сектор, сакаме да ја информираме јавноста дека Град Скопје побара раскинување на договорот со Линк медиа плус дооел за новогодишно украсување на градот во вредност од 14.986.000,00 денари, односно 243.000,00 евра“, иформираа од Градот.

Додаваат дека, од наредната година, наместо досегашната практика на ненаменско трошење на парите на граѓаните и ангажирање на компанија за украсување, Град Скопје ќе набави украси кои ќе бидат сопственост на Градот. Со тоа ќе се заштедат значителни средства од градскиот буџет кои досега секоја година се трошеле за еднократен годишен закуп на овие украси.

„Ова е само прв пример за воспоставување на нова пракса на одговорно и транспарентно работење на Градот, со што ќе ставиме крај на неодговорното работење и трошење на градските буџетски средства“, се вели во соопштенито на Град Скопје.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1