ММС
Банер за Супер7
Foto: Dejan Rakita/PIXSELL

Објавено на: 11/9/21 12:06 PM

Со детектор за метал откопана мини златна Библија во Јорк-Англија

Медицинската сестра Бафи Бејли од Ланкастер пронашла минијатурна златна Библија додека користела детектор за метал со нејзиниот сопруг Иан, за да пребарува земјоделско земјиште во близина на Јорк. Вредната Библија можеби некогаш била во сопственост на средновековен аристократ или на кралско семејство.
Предметот стар 600 години, долг само 1,5 цм, би можел да вреди повеќе од 100.000 фунти, рече Бејли.
Експерт го нарекол уникатен артефакт кој веројатно бил сопственост на многу богат човек.
Бејли им кажа на новинарите дека таа и нејзиниот сопруг го избрале Јорк за истражување, бидејќи добро ја знаат богатата историја на тој дел од Англија. За ова добиле дозвола од сопственикот на земјиштето.
„Ископав околу 13 цм и открив златен предмет. Во тој момент не мислев дека е нешто толку посебно. Тоа го сфатив дури откако внимателно го исчистив од земја. Тежок и сјаен предмет, неверојатно убав и веројатно златен“, си помислив.
Минијатурната Библија тежи само 5 грама и е изработена од 22 или 24-каратно злато. Се верува дека потекнува од 15 век.
На него се врежани фигури на свети Леонард и Света Маргарет, заштитничката на породувањето и веројатно биле користени како предмет за заштита на сопственикот за време на бременост и породување.
Минијатурна Библија е пронајдена на копно недалеку од имот што некогаш му припаѓал на Ричард Трети. (1483-1485), а експертите шпекулираат дека тоа можеби било во сопственост на негови роднини или на неговата сопруга, Ен Невил.
Тие ја споредија Библијата со Middleham Jewel, златен привезок со син сафир пронајден во замокот Мидлхам, на околу 64 километри, исто така во сопственост на Ричард Трети и семејството Невил. Станува збор за привезок од злато, од крајот на 15 век, кој исто така бил откриен од детектор за метал недалеку од замокот во 1985 година.
Џулијан Еван-Харт, уредник на магазинот Treasure Hunting, рече дека златната Библија е пронајден уникатен историски артефакт и дека ова уметничко дело е јасно иконографско и е многу слично на Middleham Jewel, па постои можност да е направено од истиот уметник.
„Оној што нарачал да се направи ваква минијатурна златна Библија морал да биде неверојатно богат“, рече Бејли. „Засега нема ништо слично на светот. Предметот би можел да вреди повеќе од 100.000 фунти“.
Музејот на Јоркшир во Јорк проценува слични предмети уште пред аукционерот да ја одреди цената, а потоа музејот одлучува дали да ги откупи.
Во 1992 година овој музеј плати 2,5 милиони фунти за да го купи Middleham Jewel.

Извор и фото: 24sata.hr


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1