ММС
Банер за Супер7

Објавено на: 11/7/21 10:39 AM

Каде живеат најголем број од милијардерите во светот?

Не е изненадувачки, веста дека САД и Кина се дом на најголемиот број од најбогатите луѓе во светот. Сепак, оваа година е зголемен бројот на милијардери во речиси секоја земја во светот, според листата на најбогати на Форбс.

Форбс пишува дека има значителни промени во листата на земји каде живеат најмногу милијардери, па Индија се проби во топ 3 откако доби 19 нови милијардери оваа година, а Италија во меѓувреме влезе во топ 10, пренесува Investor.

Листата на милијардери за 2021 година вклучува 2.755 луѓе, од кои 2.444 милијардери живеат во следните 20 земји и територии:

САД
Во САД живеат 724 милијардери, предводени од Илон Маск, извршен директор на Tesla и Space X. Неговото богатство се проценува на 202,6 милијарди долари.

Кина
Кина има 626 милијардери, на чело со Жонг Шаншан, кој ја води Nongfu Spring. Форбс го проценува неговото богатство на 65 милијарди долари.

Индија
Индија има 140 милијардери, предводени од Мукеш Амбани, кој претседава со конгломератот Rilajans Industries Limited, со зделки во телекомуникациите, малопродажбата и нафтата и гасот. Тој има богатство вредно 97,7 милијарди долари.

Германија
Германија има 136 милијардери, а најбогати меѓу нив се Беате Хајстер и Карл Албрехт Јуниор, кои се наследници на трговската империја Алди. Имаат богатство од 43,4 милијарди долари.

Русија
Русија има 117 милијардери на чело со семејството на Алексеј Мордашов, поранешниот извршен директор на компанијата за челик и рударство Северстал. Мордашов и неговото семејство имаат богатство вредно 31 милијарда долари.

Хонг Конг
Хонг Конг има 71 милијардер, на чело со Ли Ка-шинг. Тој е поранешен претседател на CK Asset Holdings, која се занимава со недвижен имот, како и CK Hutchison Holdings, која има работни места во малопродажба, инфраструктура и пристанишни услуги. Вредноста на неговото богатство е 31,4 милијарди долари.

Бразил
Бразил има 65 милијардери, предводени од инвестицискиот банкар Хорхе Пауло Леман и неговото семејство. Имаат богатство од 14,9 милијарди долари.

Канада
Канада има 64 милијардери, предводени од медиумскиот магнат Дејвид Томсон и неговото семејство. Томсонови имаат имот во вредност од 50,9 милијарди долари.

Обединетото Кралство
Британија има 56 милијардери, на чело со хемискиот инженер кој стана финансиер, Џејмс Ретклиф, чие богатство се проценува на 14,8 милијарди долари.

Италија
Во Италија живеат 51 милијардер, од кои најбогат е Џовани Фереро, кој е извршен претседател на истоимената компанија која произведува чоколади. Имотот на Ферерo е во вредност од 34,1 милијарди долари.

Јапонија
Јапонија има 49 милијардери, предводени од извршниот директор на SoftBank Масајоши Сон, кој има имот во вредност од 27,4 милијарди долари.

Тајван
Во Тајван живеат 47 милијардери, предводени од Тери Гу, кој е извршен директор на Foxconn, најголемиот светски производител на електронски уреди. Неговото богатство се проценува на 6,4 милијарди долари.

Австралија
Австралија има 44 милијардери, предводени од рударскиот магнат Џина Рајнхарт, чиј имот е во вредност од 22,4 милијарди долари.

Јужна Кореја
Јужна Кореја има 43 милијардери, на чело со Сео Јунџин, ко-основач на биофармацевтската компанија Селтрион. Неговото богатство вреди 9,2 милијарди долари.

Франција
Франција има 42 милијардери, на чело со извршниот директор на LVMH Бернард Арно и неговото семејство. Богатството на ова семејство е 177,1 милијарди долари.

Шведска
Шведска има 41 милијардер, меѓу кои најбогат е поранешниот претседател на H&M, Стефан Персон, чиј имот се проценува на 19 милијарди долари.

Швајцарија
Швајцарија има 40 милијардери како свој дом, предводени од основачот на медитеранската бродска компанија Џанлуиџи Апонте и неговата сопруга Рафаел. Двојката има имот во вредност од 10,4 милијарди долари.

Тајланд
Во Тајланд живеат 31 милијардер, предводени од Данина Сеараванонт, претседател на конгломератот Charoen Pokphand Group, кој води бизниси во агро-индустријата, малопродажбата и телекомуникациите. Нејзиното богатство се проценува на 12,6 милијарди долари.

Шпанијa
Шпанија има 30 милијардери, предводени од Амансио Ортега, кој е ко-основач на малопродажниот синџир за облека Inditex group, во сопственост на Zara. Имотот на Ортега е во вредност од 82,4 милијарди долари.

Сингапур / Турција
Сингапур е дом на 27 милијардери, предводени од Џанг Јонг, претседател на синџирот ресторани „Хотид Хаидилао“. Јонг има имот во вредност од 10,3 милијарди долари.

Турција се изедначи со Сингапур на 20-то место со 27 свои милијардери, иако Сингапур минатата година имаше повеќе милијардери од Турција.

Преземено од: https://www.b92.net/
Фотографија:  elwynn/Shutterstock


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1