ММС
Банер за Супер7

Објавено на: 10/31/21 4:12 PM

Кочанчанец и кажувал на сопругата за кого да гласа, а радовишанка излегла на гласање иако била позитивна на ковид

Од МВР информираат дека денеска во Полициската станица Радовиш било пријавено оти Г.К. од радовишко село, излегла на гласање и покрај тоа што имала решение за самоизолација од Државниот санитарен и здравствен инспекторат.

Во Кочани, пак, двајца полициски службеници пријавиле дека при вршење на редовна служба на Избирачко место 858 во Кочани преземале мерки и активности против едно лице кое се однесувало агресивно кон нив и одбило усна наредба да се оддалечи од местото и да не го попречува изборниот процес.

Од МВР велат дека се преземаат мерки за расчистување на двата случаи, а ќе следат и соодветни поднесоци.

– Во ОВР Кочани, претседателот на избирачкиот одбор на избирачко место 835 во Кочани пријавил дека околу 11 часот, С.М. го нарушил избирачкиот процес и на гласачкото место и кажал на својата сопруга за кого да гласа, а кога бил предупреден од страна на избирачкиот одбор јавно кажал за кого гласал и не го свиткал уредно избирачкото ливче. За настанот изготвен е записник од страна на избирачкиот одбор, запознаен е Јавен обвинител и по документирање на случајот ќе биде поднесена кривична пријава за сторено кривично дело „повреда на тајноста на гласањето, информираат од МВР.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1