ММС
Банер за Супер7

Објавено на: 10/22/21 10:36 AM

Бустер дозата од друга вакцина би можела да биде поефикасна: Европа размислува дали да донесе иста одлука како Америка за третата доза

Примената на дополнителна доза вакцина против ковид-19 различна од првите две, би можела да предизвика појак имунолошки одговор за разлика од бустер дозата од иста вакцина – нагласи Европскиот регулатор. Европската агенција за лекови (ЕМА) соопшти дека ги проучува податоците пред да донесе одлука дали ќе и’ се придружи во одлуката на Американската агенција за лекови (ФДА) која одобри бустер дозата да биде различна вакцина од првичната.

Вакцините на Фајзер/Бионтек, Модерна, Џонсон и Џонсон и АстраЗенека во моментот се одобрени во Европската унија. ЕМА начелно ја одобри третата доза вакцина од производителот Фајзер/Бионтек за лицата постари од 18 години и им го препушти на државите изборот на вакцини.

„Забележуваме ветувачки резултати во студиите кои потврдуваат дека таквиот пристап со одредена комбинација на вакцините, донесуваат посилен имунолошки одговор отколку кога истата вакцина се користи за дополнителна доза“, изјави на прес конференција Марко Кавалери, одговорен за вакциналната стратегија во ЕМА.

Неколку земји одобрија уште една доза за да го зајакнат имунитетот на вакцинираните луѓе, кој слабее по неколку месеци, иако вообичаено се користи истиот тип вакцина.

Истражувањето објавено во САД минатата недела покажа дека луѓето кои се вакцинирале со вакцината на Џонсон и Џонсон, која исто како и АстраЗенека користи класична технологија на вирусни вектори, се подобро заштитени доколку бустер дозата е со мРНА вакцина како онаа на Фајзер или Модерна.

„Изгледа дека мРНА вакцините како бустер доза делуваат многу подобро на стимулирање на имунолошкиот систем и може да предизвикаат навистина јак имунолошки одговор“, изјави Кавалери.

ЕМА исто така мора да одлучи до 25-ти октомври дали ќе одобри дополнителна доза од вакцината на Модерна. Истражувањето кое го објавија од Фајзер/Бионтек наведува дека трета доза од нивната вакцина е 95,6 отсто ефикасна против симптоматскиот облик на болеста. ЕМА за два месеца ќе одлучи дали ќе ја одобри вакцината на Фајзер/Бионтек за децата од пет до 11 години, откако две лабаратории предале податоци минатата недела. Агенцијата исто така, следната недела треба да го испита и лекот против ковид на фармацевтската лабараторија Мерк, изјави Кавалери.

 

Извор: rs.n1info.com


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1