ММС
Банер за Супер7

Објавено на: 10/22/21 8:00 AM

Два необични симптоми на долгиот ковид кај мажите и жените за кои малку се зборува, а ги откриле научниците

Покрај познатите симптоми како кашлица, температура, замор, губење на вкус и мирис, некои пациенти доживеале нешто „поинтимни“ симптоми за кои не се зборува многу, а се јавуваат и кај мажи и кај жени. Станува збор за сексуалниот репродуктивен систем. Проблемите се јавуваат по инфекција со корона вирус. Поконкретно, некои жени забележале промени во циклусот, а мажите забележале еректилна дисфункција долго потоа откако го прележале вирусот.

Преглед на литературата беше објавен во Journal of Endocrinological Investigation ова лето, каде еректилната дисфункција беше претставена како еден од симптомите на коронавирусот. Истражувачите откриле дека повеќе машки пациенти може да доживеат хипогонадизам – намалено лачење на тестостерон, лачење сперма или и двете, а поретко, намален одговор на тестостерон, во споредба со оние кои немале коронавирус.

„Дали се работи за долгорочна или минлива состојба е прашање што бара одговор“, објаснуваат експертите.

Напоменале и дека доаѓа до намалување на бројот на Лајдиговите клетки лоцирани во тестисите, а помагаат и во производството на тестостерон, кој е одговорен за сперматогенезата, процесот на производство на сперма што се одвива во семените канали на тестисите. Научниците мислат дека ова може да биде една од причините за големата разлика во смртноста и хоспитализацијата кај мажите и жените, а исто така може да објасни зошто вирусот најчесто ги погодува постарите мажи.
Сепак, жените доживуваат и сексуални и репродуктивни симптоми за кои лекарите веруваат дека се поврзани со хормоните.

Луиз Невсон, експерт за менопауза, рече дека моментално работи на испитување на овие симптоми кај пациентите. Со 842 одговори од пациентите што ги собрала до денес, таа вели дека резултатите потврдуваат дека долгиот ковид е поврзан со нивото на хормоните, што до денес било побиено.

Во прилог на оваа теорија, таа додава дека многу жени забележале влошување на симптомите на коронавирус непосредно пред почетокот на менструацијата – кога нивото на естроген е многу ниско. Таа смета дека не е сосема случајно симптомите на долгиот ковид да наликуваат на симптомите на менопауза – замор, болки во мускулите и зглобовите, вртоглавица …

Инфо: stil.kurir.rs

 


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1