ММС
Банер за Супер7

Објавено на: 10/17/21 5:07 PM

Скопјанец го сликал избирачкото ливче, на прилепчанец му давале насоки за кој да гласа: МВР информира за пријави во однос на изборниот процес

Во СВР Скопје било пријавено дека на гласачко место бр.2683/1 – основно училиште „Блаже Коневски” е прекинато гласањето во 13.56 часот се’ до 14.13 часот, поради тоа што Г.Ш. заменик член од партија дал двојни ливчиња на Н.П. од советничка листа на град Скопје и за градоначалник на град Скопје – соопштија од МВР.

Оттаму додаваат дека се преземаат мерки за расчистување на настанот.

Преку писмено соопштение исто така, МВР информираше дека денеска околу 14.04 часот во Полициско одделение Шуто Оризари Ф.О. пријавила дека во близина на основно училиште „26 Јули” до обложувалница имало патничко возило „комбе” со залепени плакати од кандидатот на политичка партија. Се преземаат мерки за расчистување на настанот, стои во соопштението од МВР.

Околу 12,45 часот во СВР Скопје, Т.К. заменик претседател на гласачко место 2781 во основно училиште „Рајко Жинзифов” пријавил дека Љ.К. влегол во просторијата со цел да гласа, но откако не го пронашле во Избирачкиот список им се обратил на висок тон на членовите на комисијата по што со мобилен телефон го сликал избирачкото место. Против пријавениот ќе биде поднесен соодветен поднесок, посочуваат од Министерството.

Во СВР Охрид во 14,12 часот од претставник од избирачки одбор на избирачко место 1283/1 лоцирано на ул. „М.Јорданоски” во близина на спортска обложувалница е пријавено дека К.С.(35) од Охрид, при гласање го сликал избирачкото ливче. Гласањето е прекинато од 14,12 до 14,25 часот. Лицето е приведено во СВР Охрид и ќе му биде поднесен соодветен поднесок.

– На 17.10.2021 во 13,55 часот во СВР Битола Џ.М. пријавил дека пред основно училиште „Добре Јовановски” во Прилеп П.A и Д.А. го насочувале за кој кандидат да гласа. Се преземаат мерки за расчистување на случајот, соопштија од МВР.

 


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1